Geguritan

Gambaran penguripan

Apes....
Apes tenan nasib iki
Dina iki lagi nandhang apes
Dadio pengalaman kang bisa di emut

Kekarepan tetulung
Aku dadi kepenthung
Uripku dadi gruwung
Niat becik, ala kang katrima

Dunya akhirat ilang sak nalika

Kapribaden mulya ilang ora ana rega
Kanca, kluarga bisa dadi rubedha
Angridu marang lelatining jiwa manungsa

Kanca cerak dadi crah
Kluarga cedak dadi bubrah

Jiwa lan raga dadi ora katata

Jalaran rasa rasaning manungsa

Rasa curiga marang wong liya
Rasa ora seneng marang bebrayan
Rasa kang ora iso dadi tuladha

Tuladhaning  manungsa kang ana dunya